Павел Семеновтыын интервьюттан быhа тардыы

"Киин радио" долгуннарыгар "Сулус сыдьаайы" программа5а тахсыбыт
Павел Семеновтыын интервьюттан быhа тардыы (ыытааччы - Мичил)

Байбал Сэмиэнэп - саха эстрадатын биир самаай ча5ылхай сулуhа.
Тереебут сирэ - Булуу улууhун Тыымпыта.
Тереебут ыйа - От ыйа, рак бэлиэтэ.
Байбал армия5а сылдьан кэлэн баран Светлана уонна Егор Неустроевтар салайар "Бабочкалаах уолаттар" диэн белеххтеругэр дьарыктаммыта.
1997 сылга "Бар дьоммор" диэн бастакы альбомун таhаарбыта.
1998 сылга маннайгы айар киэhээтэ буолбута уонна бу сылга Байбал уолламмыта, Аскалон Павлов чиэhигэр Аскалон диэн ааттабыт.
Айар киэhээтигэр 3 концерт 2 кун буолбута.
А5ата да ийэтэ да ыллыыллар, а5ата эдэр сылдьан тойуктуур.

Ыйытыы: "Эдэр ырыаhыттарга ырыа биэрэ5ин дуо?"
Б.С.: "Биэрэн бе5е буолла5а дии, учугэйдик ыллыыр буолла5ына, ол курдук Сергей Сивцев хас да ырыабын ыллыыр, Клим Федоров племяннига А.Федоров "Ескетун" диэн ырыабын ыллыыр... Учугэйдик ыллыыр о5о5о кемелеhуем этэ, туйахпын хатарар о5ону хаалларыам этэ..."

Ыйытыы: "Продюсердыыгын дуо?"
Б.С.: "Суох"

Ыйытыы: "Саха эстрадаттан себулуур, убаастыыр музыкааннарын?"
Б.С.: "А.Павлов, А.Егоров, Г.Сергучев, Тумус Мэхээлэ, В.И.Заболоцкай, Неустроевтар, "Дапсы" белех уо.д.а."

Ыйытыы: "Билигин эйиэхэ майгынныр ырыаhыттар наhаа элбэхтэр. Ону туох дии саныыгын?"
Б.С.: "Сорох дьоннор миигин В.Еремеевтыын, А.Унаровтыын буккуйаллар, ол туох да куhа5ана суох, то5о диэтэргин эдэр ырыаhыттар са5алыылларыгар чэпчэки со5ус буолар, кэлин бэйэлэрэ суолларын-иистэрин булуохтара."

Ыйытыы: "Эн имиджкын ким эмит онорор дуо?"
Б.С.: "Суох диэххэ сеп, араас ательеларга тиктэрэбит сценическай костюмнарбытын, холобура "Швея Севера" диэннэ."

Ыйытыы: "Ханнык стиль себулуугун?"
Б.С.: "Спортивнай"

Ыйытыы: "Саха сиригэр шоу-бизнес туhунан туох диэххин себуй?"
Б.С.: "Улахан сайдыы суох эрээри син хамныы, тахса сатыыбыт."

Ыйытыы: "Ырыаларгын хайдах суруйа5ын?"
Б.С.: "Хоhоон уонна мотив бииргэ тахсара учугэй. Учугэй хоhоонно хас да мелодияны таhааран керен, чочуйан оноруохха сеп."

Ыйытыы: "Иэйиин хаhан кэлээччиний?"
Б.С.: "Саас уонна сайын, бултуурбун себулуубун, санаам айыл5а5а олус кете5уллэр."

Ыйытыы: "Ырыаларын уксулэрэ наhаа куруустар. То5о?"
Б.С.: "Биир истээччим эппитэ: "Наhаа ытыыгын, искэр туох эрэ куруус олорор курдук." Оннук буолуо да5аны."

Ыйытыы: "Уеруу" диэн ырыа Уххан тылларыгар дуо?"
Б.С.: "Уххан тыллара, кини олус элбэх хоhооннордоох, Уххан тылларыгар мелодия суруйарбыттан киэн туттабын. Кини тылларыгар ессе А.Егоров уонна Сиэн Тиитэп суруйаллар."

Ыйытыы: "Билинни саха эстрадата хайда5ый?"
Б.С.: "Хамсааhын барар, наhаа элбэх сана ырыаhыттар бааллар. Саха эстрадата сайдара буоллар."

Ыйытыы: "Сана альбомун хаhан тахсарый?"
Б.С.: "Уп-харчы кеhуннэ5инэ, сайын тахсара буолуо."

Ыйытыы: "Саха эстрадатыттан кими себулээн истэ5ин?"
Б.С.: "Уксун аксакаллары: Егоровтары, А.Павловы, В.Татариновы, В.Заболоцкайы, куустээх куоластаах Сахаайаны, В.Еремеевы уо.д.а."

Ыйытыы: "Сугуруйэр киhин?"
Б.С.: "Уолум Аскалон. Кини ыллыы сатыыр, ол эрэн ырыаhыт гыныахпын ба5арбаппын. Улаатан тойон буолуон ба5арабын. Онтон мин дьонум миигин быраас гыныахтарын ба5араллара."

Ыйытыы: "Ханнык кыылга бэйэ5ин тэнниигин?"
Б.С.: "Уруут хотойбун дэнээччибин. Билигин улаатан баран ейдеетум, хантан хотой буолуохпунуй, барабыай буолла5ым дии=)"

Ыйытыы: "Ханнык бырааhыньыктары ордоро5ун?"
Б.С.: "Ыhыах, о5о эрдэххэ Сана Дьыл наhаа учугэй буолааччы."

Ыйытыы: "Хаhан аан бастаан ыллаабыккыный?"
Б.С.: "Детсадка сылдьан ыллыыр этим, А.Павлов бииргэ тереебут эдьиийэ воспитательницам этэ. 8 кылааска тиийиэхпэр дылы куруук "Мин мантан сэриигэ барбытым" диэн ырыаны ыллааччыбын. Уостан туспэт ырыам этэ."

Ыйытыы: "Аргыны, табаа5ы туох дии саныыгын?"
Б.С.: "Аргыны амсайабын, таба5ы биирдэ эмит тардааччыбын."

Ыйытыы: "Спортунан дьарыктана5ын дуо?"
Б.С.: "Уруут тустар, мээчиктиир, дуоматтыыр этим, билигин олох бириэмэм суох. Тууннэри улэлиибит, эбиэккэ дылы утуйабын. Билигин Театр эстрады улэлиибин, ханна ыыталларынан барабыт."

Ыйытыы: "Клип то5о онорбоккун?"
Б.С.: "Харчы суох."

Ыйытыы: "Бастакы айар киэhээн туhунан кэпсээ эрэ"
Б.С.: "Астыныы бе5е этэ, долгуйуу, миигин истэ кэлбит дьон иннигэр ответственность, онтон бутэн баран "Ессе ыллаабыт киhи" диэн ба5а санаа баар этэ. Однокурснигым Эллэй (продюсер) барытын бэлэмнээбитэ, мин гастролируйдаан кэлбитим."

Ыйытыы: "Бастакы ырыан?"
Б.С.: "Ахтыл5ан" уонна "Абылаама"

Ыйытыы: "Ханнык ырыа5ын ордоро5ун?"
Б.С.: "Ырыаларбын барытын себулуубун, Арбита тылларыгар суруйбут "Оhуордаах ыйдана" диэн ырыабын ордоробун"

Ыйытыы: "Россия уонна омук ырыаhыттарыттан кими себулугун?"
Б.С.: "Виктор Цой кумирым этэ уонна Queen белех солиhа Freddie Mercury"

Ыйытыы: "Экстрасеннарга итэ5эйэ5ин дуо?"
Б.С.: "Сахаларга итэ5эйэбин"

Ыйытыы: "Тереебут куннэргэ ыллааччыгын дуо? Сыаната?"
Б.С.: "Тереебут куннэргэ, юилейдарга, свадьбаларга ыллааччыбын. До5отторбор - босхо, атын дьонно сыаната - секрет фирмы."

Ыйытыы: "Былааннарын?"
Б.С.: "Елбекке-суппэккэ, ыалдьыбакка ыллыы сылдьыбыт киhи"

Ыйытыы: "Артыыс быhыытынан толору аhыллыбыт киhигин дуо?"
Б.С.: "Ситтим-хоттум быhыылаах, артыыс буоллум дии саныыбын, ол эрэн сиппэтэх былааннар ессе да бааллар."

Ыйытыы: "Ханнык сири саамай себулээбиккиний?"
Б.С.: "Муома улууhун дьонун да айыл5атын да наhаа себулээбитим уонна хоту улуустары."

Ыйытыы: "Эн эрэ" диэн ырыан кимиэхэ анаммытай?"
Б.С.: "Анабыл диир хайдах эрэ, "бу эйиэхэ" диир ырыаларым бааллар, ол эрэн "Эн эрэ" диэн ырыам киhиэхэ барытыгар анаммыта диэххэ сеп."

Ыйытыы: "Эстрада5а тас керун улахан оруолу оонньуур дуо?"
Б.С.: "Улахан. Сорох дьон тас кестууннэн эрэ сылдьаллар."

Ыйытыы: "Гастрольга айаннаан иhэн туох дии саныыгын?"
Б.С.: "Хайдах эмит учугэйдик ыллаабыт киhи. Хайдах эмит учугэй ыалга тубэспит киhи диэн. Сорох улуустарга куруук туhэр ыаллардаахпын."

Ыйытыы: "Хай5ыылларын себулуугун дуо?"
Б.С.: "Себулээн."

Ыйытыы: "Хаар туhэр" диэн ырыан убайгар анаммыта дуо?"
Б.С.: "Суох. Убайбар Степанна анаммыт ырыаны уhус альбоммар таhаарбыт киhи. Кини курдук сатаан ыллаабаппын. "Ырыам бутэhик матыыба" диэн ырыаны ыллаары гыммытым, ырыаны буортулаама диэбиттэрэ. Ол ырыа ханна да хаалбатах."

Ыйытыы: "Туох бэлэхтэри себулуугун?"
Б.С.: "Бэлэх аата бэлэх. Киhи сирбэт. Туох ба5арар буоллун."

Ыйытыы: "У.Сергучевалыын дуэттыан этэ дуо?"
Б.С.: "Дуэттыам этэ. Элбэх учугэй ырыалардаах."

Ыйытыы: "Куолаhын суттэ5инэ хайыан этэй?"
Б.С.: "Сылгыhыттыы барыам этэ, тыа5а, бултуу, тулуйан олоруом этэ."

Ыйытыы: "Ырыа5ар маннык тыллар бааллар "Бэйэбин билинэр буолбуппун." Ону хайдах билбиккиний уонна хайдах кеннербуккунуй?"
Б.С.: "Олус учугэй ыйытыы. Буруйдарбын (дьиэбин, до5отторбун умнубуппун) туораттан керен, ейдеен кеннербутум."

Ыйытыы: "Олоххор туох эмит куhа5ан тугэн баар этэ дуо?"
Б.С.: "Улахан суох. Ийэлээх а5ам кыра о5олоробун, еруу кемлеhеллер."

Ыйытыы: "Айыы уола ырыаларын ыллыан этэ дуо?"
Б.С.: "Тахсыбыт альбомна ыллыахтаах этим, биирдэ ейдеммутум - уже тахсыбыт этэ. "Ийэбэр" диэн ырыаны ыллыам этэ дуу..."

Ыйытыы: "Н.Семеновы туох дии саныыгын?"
Б.С.: "Инник куолас аны кэлэрэ биллибэт."

Ыйытыы: "Аан дойдуга аатырыаххын ба5ара5ын дуо?"
Б.С.: "Ба5аран бе5е буо, туох куhа5аннаах буолуой?"

Ыйытыы: "Ханнык хаhыаты аа5а5ын?"
Б.С.: "Улаханнык аахпаппын, "Эдэр саас", "Киин куорат" аа5аччыбын."

Ыйытыы: "Штыровы туох дии саныыгын?"
Б.С.: "Радионнан улахан ба5айытык санарбат буолла5ым дии=) Дьикти ба5айы Саха сирэ президенэ нуучча киhитэ буолбута, саха эбитэ буоллар..."

Ыйытыы: "Тургэн ырыалары то5о ыллабаккын?"
Б.С.: "Наhаа бэhиэлэй, ля-ля диэбит курдук ырыалар барсыбаттар миэхэ, сатаан ункулээбэппин да5аны. Арай дьону эрэ соhута..."

Ыйытыы: "Сугуруйээччилэргэр сыhыанын?"
Б.С.: "Килиэбим буо кинилэр, олус учугэйдик сыhыаннаhабын."

Ыйытыы: "Классическай музыка туhунан санаан?"
Б.С.: "Истээччибин, ол эрэн сатаан ыллаабаппын."

Ыйытыы: "Оскуола5а хайдах уерэммиккиний?"
Б.С.: "Учугэйэ суох, химия5а, алгебра5а, физика5а, геометрия5а мелтех этим, саха тылыгар учугэй этим."

Ыйытыы: "Саха сирэ сайдарыгар тугу гыныан этэй?"
Б.С.: "Саха сирин аатырдыбыт киhи. 25.02.04 Улан Удэ5э "Белый месяц" диэн ырыа курэ5эр барыахтаахпын."

Ыйытыы: "Критика5а сыhыанын?"
Б.С.: "Киhи критикэттэн учугэйдик уерэнэр. Миигин элбэхтэ критикэлииллэрэ буоллар, тупсуом этэ."

Ыйытыы: "Фабрика звезд" туhунан туох дии саныыгын?"
Б.С.: "Штамповка, шоу-бизнес биир хамсааhына."

Ыйытыы: "Саха кыыhын идеала?"
Б.С.: "Сахатын сирин таптыыр, киэн туттар,. Хайдах эбитэ буолуой? Киhи быhыытынан учугэй. Мин кэргэним курдук."

Ыйытыы: "Аптаах эбитин буоллар хайыа этэй?"
Б.С.: "Дьонно утуену, харчы кердуем этэ, учугэйи эрэ оноруом этэ, куhа5аны буолбатах."

Ыйытыы: "Националистическай ырыалары ыллыан этэ дуо?"
Б.С.: "Ыллыам этэ. Гоша Васильев "Мин сахабын" диэн ырыата хорсун быhыы, ити патриотическай ырыа."

Ыйытыы: "Арай министр культуры буоллун?"
Б.С.: "Сахам сирин культурата сайдарыгар улэлиэм этэ, концертнай зал оноруом этэ, аренда наhаа ыарахан. Эдэр талааннаах ырыаhыттарга кемелеhуем этэ."

"То5о а5а, эhээ, убай туhунан ырыа суо5уй?"
Б.С.: "Эр киhи кэнники турар. Ийэ - кунду киhи, киниэхэ ырыа суруллуохтаах."

Байбал Сэмиэнэп: "Наhаа элбэх учугэй ыйытыы баар этэ, саамай интэриэhинэй ыйытыыны Вова диэн истээччи ыйытта: "Ырыа5ар маннык тыллар бааллар "Бэйэбин билинэр буолбуппун." Ону хайдах билбиккиний уонна хайдах кеннербуккунуй?" Ити ырыабан элбэхтэ ыллаабата5ым, ол аата Вова ырыаларбын бол5ойон истэр эбит."

Павел Семенов
Бу интервьюны мин Дьокуускай куоракка сылдьан радио5а истибитим,
соро5ун сурунан, соро5ун ейбер хатаан баран бу сайтпар таhаардым.
Кыра ал5астар бааллара буолуо, тыллара атыннара буолуо ба5ар,
ол эрэн сурун ис-хоhоонун тириэрдэ сатаатым.